Cancellation of flights, Civil Aviation Authority issues notice to foreign airlines
پاکستان سول ایوی ایشن اتھارٹی نے حالیہ ہفتوں میں پروازوں کی منسوخی کے ذریعے مسافروں کے لیے تکلیف کا باعث بننے پر غیر ملکی ایئر لائنز قطر ایئر ویز، ترکش ایئر لائن، امارات ایئر لائن، اتحاد ایئر ویز اور فلائی دبئی کو نوٹس جاری کر دیے ہیں۔
سول ایوی ایشن اتھارٹی نے جمعے کو رات گئے جاری بیان میں کہا ہے کہ ’متاثرہ مسافروں کو رہائش کھانے اور مالی نقصان کی صورت میں تکلیف اور ذہنی تناؤ کا سامنا کرنا پڑ رہا ہے۔‘
سول ایوی ایشن اتھارٹی نے غیر ملکی ائیر لائنز کو آٹھ جولائی تک مسافروں کے تمام مسائل حل کرنے کی مہلت دی ہے بصورت دیگر سول ایوی ایشن اتھارٹی ان کے خلاف سخت تادیبی کاروائی کر سکتی ہے۔
